சுயேச்சையான ஒப்பந்ததாரர், இணையவழியில் வேலை செய்பவர், அழைத்தவுடன் வேலைக்கு வருபவர், தற்காலிக தொழிலாளி என்பவர்களும் இவர்களைப் போன்ற மற்றவர்களும் ஆங்கிலத்தில் “கிக் ஒர்க்கர்ஸ்” (gig workers) என்றழைக்கப்படுகிறார்கள். தற்காலிக என்பதையும் தாண்டி தனக்குத் தோதான வேலையைத் தானே தேடிக்கொள்ளும் “சுதந்திரத் தொழிலாளி” என்று பொருள் தரும் இந்தச் சொல்லாடல் 2000 மாவது ஆண்டுக்குப் பின் புழங்கத் துவங்கி தற்போது மிகப் பிரபலமாகி விட்டது. நாடுகளின் பொரு ளாதாரத்தை கிக் எகானமி (gig economy) என்று கூட அழைக்கத் துவங்கி விட்டார்கள். காரணம் எந்த ஒரு தொழி லிலும் நிரந்தரத் தொழிலாளர்களின் எண்ணிக்கையை விட தறகாலிகத் தொழிலாளர்களின் எண்ணிக்கை பெருகிவிட்டது. நீ எனக்கு இந்த வேலையைச் செய்து தர வேண்டும். அதற்கு நான் ஒரு மணி நேரத்துக்கு அல்லது ஒரு நாளைக்கு அல்லது ஒரு வாரத்துக்கு இவ்வளவு கூலி தருவேன் என வேலையாளிடம் பேசி ஒப்பந்தம் செய்து கொண்ட பின் அவரை/அவளை வேலைக்கு அமர்த்திக்கொள்வது அமெ ரிக்காவில், இங்கிலாந்து போன்ற ஐரோப்பிய நாடுகளில் அதிகரித்து விட்டது. வேலைக்கு எடுத்துக்கொள்ளும் நிறுவனத்தின் தரப்பில் அதன் தொழிலைப் பொறுத்து அல்லது வேலையாள் செய்ய வேண்டிய வேலையைப் பொறுத்து பல நிபந்தனைகள் உண்டு. இந்த நிபந்தனை களுக்கு உட்படும் ஆளையே வேலைக்கு அமர்த்திக் கொள்வார்கள். நீ தொழிலாளி கிடையாது எங்கள் நிறுவ னத்தின் பங்குதாரர் என்பது போன்ற கவர்ச்சிகரமான வாசகங்களை வீசுவார்கள். அமேசானில் பணம் செலுத்தி ஒரு பொருளை ஆர்டர் செய்துவிட்டால் என்ன நடக்கிறது? அமேசான் நிறுவனத் துக்கு வாடிக்கையாளரான நீங்கள்தான் தெய்வம்.
நீங்கள் ஆர்டர் செய்துவிட்ட அந்தப் பொருள் உங்களை வந்தடை யும் வரை உங்களோடு வாட்ஸாப், இமெயில் என்று தொடர் பிலேயே இருப்பார்கள். உங்கள் ஆர்டரை முதலில் உறுதி செய்வார்கள். அடுத்து அப்பொருள் சப்ளையரிடமிருந்து கிளம்பி விட்டது எனச் சொல்வார்கள். இன்னும் எத்தனை நாட்களில் அது டெலிவரி செய்யப்படும் எனச் சொல்வார் கள். இன்று, இத்தனை மணியிலிருந்து இத்தனை மணிக்குள் எங்கள் டெலிவரி ஆள் உங்கள் வீட்டுக்கு வருவார் எனச் சொல்வார்கள். பொருள் டெலிவரி செய்யப்பட்டு விட்டது எனச் சொல்வார்கள். அப்பொருள் டெலிவரி செய்யப்பட்ட விதம் குறித்து உங்கள் மதிப்பெண்களைக் கேட்பார்கள். பொருளின் தரம் உங்களுக்கு திருப்தி அளித்ததா? எனக் கேட்பார்கள். திருப்தி இல்லையெனில் திருப்பி அனுப்பச் சொல்வார்கள். எங்காவது தவறு நேர்ந்தால் சாரி சொல்லிவிட்டு, சரி செய்வார்கள். உங்கள் வீட்டுக்கு வந்து பொருளை டெலிவரி செய்கிற ஆள் ஒரு கிக் ஒர்க்கர் (gig worker). அவர் நிறையப் பொருட்களை தனது டூவீலரில் வைத்துக்கொண்டு ஆங்காங்கு டெலிவரி செய்வதற்காக சுற்றிக்கொண்டிருப் பதை நீங்கள் பார்த்திருக்கலாம். நிறுவனத்தில் அவர் நிரந்தர தொழிலாளி கிடையாது. அதே வேலை நேரம், அதே அளவு உழைப்பு தேவைப்படும் வேறு ஒரு தொழிலின் நிரந்தர தொழிலாளிக்குரிய எந்த உரிமைகளும், சலுகைகளும் இந்த கிக் ஒர்க்கருக்குக் கிடையாது.
கடிதங் களை, பார்சல்களை டெலிவரி செய்பவர்; உணவை டெலிவரி செய்பவர் எனப் பலரும் நம் கண் முன்னே இப்படித்தான் உழைத்துக்கொண்டிருக்கிறார்கள். கிக் ஒர்க்ர்ஸ் குறித்து பன்னாட்டு தொழிலாளர் அமைப்பு (International Labour Organisation) ஆய்வு நடத்தி பல திடுக்கிடும் முடிவுகளை வெளியிட்டுள்ளது. வாரத்துக்கு 55 மணி நேரத்துக்கு மேல் உழைக்கும் இவர்கள் முன்னை விட மரணிப்பது அதிகமாகிவிட்டது எனவும், இவர்களின் மனநலம் கடும் பாதிப்புக்குள்ளாகி வருகிறது என்பதும் அவற்றில் ஒன்று. அமெரிக்காவில் இப்படியான சுதந்திரத் தொழிலாளிகளின் எண்ணிக்கையில் 55 விழுக்காடு பெண்கள் எனவும் இந்தியாவில் அது 28 விழுக்காடு என்றும் ஒரு புள்ளிவிபரம் கூறுகிறது. இங்கிலாந்தில் “சுதந்திரத் தொழிலாளி” யாக இருக்கும் ரிக்கி டர்னர் பொருட்களை டெலிவரி செய்யும் ஒரு நிறுவனத்தில் வேலை கேட்டுப் போகிறான். நேர்காணல் நடக்கிறது. உரிமையாளர் மெலோன்னி வசீகரமாகவும், தெளிவாகவும் வேலை குறித்து விளக்குகிறார். முக்கியமான நிபந்தனைகளாக அவர்களே தருகிற ஒரு வேனை வாடகைக்கு எடுத்துக்கொள்ளவேண்டும். காலையில் இத்தனை மணிக்கு வந்து பார்சல்களைச் சேகரித்துக்கொண்டு இத்தனை மணிக்குள் வாடிக்கை யாளர்களுக்கு டெலிவரி செய்து முடிக்க வேண்டும். அந்நிறுவனத்தில் அவன் தொழிலாளி கிடையாது.
ஒரு “பிராஞ்ச்சைஸி” (Franchisee - வருமானத்தில் சிறிதளவு பங்கு பெறும் தொழிற் கூட்டாளி எனலாம்) என திரும்பத் திரும்ப அறிவுறுத்தப்படுகிறான். வேனுக்கு முன்பணம் கட்டுவதற்காக குடும்பத்திற்குச் சொந்தமான காரை மனைவி அப்பி யின் ஆட்சேபனையையும் மீறி விற்கிறான். நோயாளிகளின் வீடுகளுக்கே சென்று சேவை தரும் செவிலியர் வேலை செய்பவள் அவள். இப்போது அவள் பஸ்ஸில் பயணித்து நோயாளிகளின் வீடுகளுக்குச் சென்று வருகிறாள். பிராஞ்ச்சைஸி தொழிலில் நல்ல வருமானம் கிட்டும்; புதிதாகக் கார் வாங்கிவிடலாம் என்று டர்னர் அவளைத் தேற்றி வைத்திருக்கிறான். டர்னர்-அப்பி தம்பதிகளுக்கு பதின்ம வயதுடைய செப் என்ற ஒரு மகனும் சிறுமியான லிஸா என்ற ஒரு மகளும் இருக்கிறார்கள். செப் தனியாகவும் தன் நண்பர்களுடனும் சேர்ந்து சுவர்களில் எழுதுவதை பொழுதுபோக்காகவும், தனது விருப்பச் செயலாகவும் வைத்திருக்கிறான். இது பள்ளியில் பல பிரச்சனைகளை ஏற்படுத்துகிறது. போக்கு வரத்து நெருக்கடிக்கு மத்தியில் டர்னர் எவ்வளவு விரைவாக வேனை இயக்கியும் பொருட்களை டெலிவரி செய்வதில் தாமதம் ஏற்படுகிறது. வேனை நிறுத்துவதில் சமயங்களில் போக்குவரத்துப் போலீசாரோடு பிரச்சனை வருகிறது. ஒரு மூத்த தொழிலாளி “ஒன்னுக்கு” போவதற்கு ஒரு பிளாஸ்டிக் பாட்டிலை வைத்துக்கொள்ளுமாறு டர்னருக்கு அறிவுறுத்துகிறான். இப்போது அதன் தேவையை டர்னர் நன்கு உணருகிறான்.
கக்கூசுக்குப் போகக்கூட நேரமில்லா மல் அவசரமாக பாட்டிலில் சிறுநீர் கழித்துக்கொள்கிறான். வேகம் வேகம் என்று அவன் வேலை பரபரப்பும், பதற்றமும் நிறைந்ததாக மாறிக்கொண்டேயிருக்கிறது. பார்கோட் ஸ்கேனர் கருவி மூலம் அவனின் நகர்வு கண்காணிக்கப் பட்டு தாமதமானால் எச்சரிக்கை செய்யப்படுகிறது. இரண்டு நிமிடங்களுக்கு மேல் வேனைவிட்டு விலகி அப்பால் போனால் அலாரம் அடித்து எச்சரிக்கிறது அக்கருவி. கார் இல்லாமல் அப்பி சிரமப்படுகிறாள். குறித்த நேரத்துக்கு நோயாளிகளின் வீடுகளுக்குச் செல்வதில் பிரச்சனை ஏற்படுகிறது. கூடுதல் நேரத் தால் பஸ் பயணம் அலுப்புத் தருகிறது. நோயாளிக ளிடமிருந்து ஏதேனும் அவசர அழைப்பு வந்தால் அவளால் உடனே செல்ல முடியவில்லை. இதனால் அவளும் விரக்தியுறுகிறாள். இருப்பினும் கண வனுக்காகப் பொறுமை காக்கிறாள். இருவர் வேலையும் நெருக்கடி நிறைந்ததாக மாறிக்கொண்டி ருப்பதை அவர்களால் தடுக்க முடியவில்லை. மகன் செப் தன் நடவடிக்கையினால் பள்ளியிலி ருந்து தற்காலிகமாக விலக்கப் பெறுகிறான்.
இது டர்னருக்கும் அப்பிக்கும் பெரும் மன உளைச்ச லைத் தருகிறது. கடுமையாக உழைத்து வருமா னம் ஈட்டி அவனது பள்ளிப்படிப்புக்கும், இதர செலவுகளுக்கும் தருகிறோமென்று மகனுடன் டர்னர் கத்திச் சண்டையிடுகிறான். மறுநாள் வேன் சாவியைக் காணோமென்று செப்பியிடம் கேட்க அவன் தனக்குத் தெரியாது என்று பதிலளிக்க வேலைக்குச் செல்ல நேரமாகிவிட்டதே என்ற கோபத்தில் எதிர்த்துப்பேசும் மகனை அடித்தும் விடுகிறான் டர்னர். செப் கோபித்துக்கொண்டு வீட்டைவிட்டு வெளி யேறுகிறான். தாய் அப்பியும் தங்கை லிஸாவும் அவனைத் தேடிக் கண்டுபிடிக்க முயற்சிக்கிறார்கள். நிறுவன உரிமையாளர் மலோன்னி கண்டிப்பானவன் என்பதால் டர்னரை கடுமையாக எச்சரிக்கிறான். அவனால் நிறுவனத் திற்கு இழப்பு என்று திட்டுகிறான். டர்னர் செய்வதறியாது புலம்பி அழுகிறான். அப்பி அவனைத் தேற்ற முயற்சிக்கிறாள். தான்தான் வேன் சாவியை எடுத்து ஒளித்து வைத்து விட்டதாகவும் செப் மேல் எந்தத் தவறுமில்லை எனவும் சிறுமி லிஸா பெற்றோர் முன் வந்து பயந்து நடுங்கி அழுதவாறே கூறுகிறாள்.
வேன் சாவியையும் தருகிறாள். சிறுமியைக் கட்டியணைத்துத் தேற்றுகிறார்கள் பெற்றோர். சாவியைப் பெற்றுக்கொண்டு அவசரம் அவசரமாகக் கிளம்புகிறான் டர்னர். புறநகர்ப் பகுதியில் ஒரு டெலிவரிக் காக வேனை நிறுத்தி வைத்திருக்கையில் அங்கு வரும் திருடர்கள் அவனைக் கடுமையாகத் தாக்கி பார்சல்களைத் திருடிச் செல்கிறார்கள். அவர்களோடு நடக்கும் சண்டையில் அவனது பார்கோட் ஸ்கேனர் கருவி உடைந்து நொறுங்குகிறது. கடுமையமாகத் தாக்கப்படும் டர்னர் காயமுற்று மருத்துவமனையில் அனுமதிக்கப்படுகிறான். ஆஸ்பத்திரியில் அவதிப்பட்டவாறே இருக்கும் டர்னரிடம் ஆறுதல் ஏதும் கூறாமல் முதலாளி மலோன்னி அவனைக் கடுமையாகத் திட்டி எச்சரிப்பதோடு ஆயிரம் டாலர்கள் அபராதம் எனக் கூறுகிறான். அதிர்ச்சியுறும் டர்னர் தான் மேலும் அதிகமாக உழைத்தால்தான் அபராதத் தொகையைக் கட்ட முடியும் என முடிவு செய்கிறான். வீட்டுக்குத் திரும்பும் டர்னர் மறுநாள் உடல் நோவையும் பொருட்படுத்தாது வேனை எடுத்துக்கொண்டு வேலைக்குக் கிளம்புகிறான். போக வேண்டாம் என மனைவியும் மகளும் தடுக்கின்றனர். அதனைக் கேளாது வேனை எடுத்துக்கொண்டு விர்றென்று கிளம்பிப்போகி றான். உடற்களைப்பும், மனச்சோர்வும் ஒரு சேர அவனை அழுத்த வேனை ஓட்டுகையில் தூங்கிவிடுகிறான். வேன் தாறுமாறாக ஓட சட்டென விழித்துக்கொண்டு பெரும் விபத்து ஏற்படுமுன் பிரேக் போட்டு நிறுத்துகிறான். உடல் வலியை விட மனவலி உச்சத்தைத் தொட தன்னையறியாது குமுறி அழுகிறான் டர்னர். துவக்கத்தில் டர்னர் தன் வேலையின் போது சந்திக்கும் பல சுவாரஸ்யமான சம்பவங்கள் படத்திற்கு கலகலப்பூட்டு கின்றன. ஒரு விடுமுறை நாளில் தன் மகளை தனக்கு உத விக்கு அழைத்துப் போகிறான் டர்னர். சிறுமிக்கே உரிய கொண்டாட்டத்துடன் லிஸா பார்சல்களை எடுத்துச்சென்று டெலிவரி செய்வதும் ஆள் இல்லாத வீட்டில் “சாரி வி மிஸ்டு யு” ஸ்டிக்கரை ஒட்டி மகிழ்வதும் துயர வாழ்க்கையின் ஊடாக வரும் மகிழ்ச்சி நேரமாக டர்னருக்கு அமைந்திருப் பதை கதாசிரியர் தன் கதையில் கச்சிதமாக இணைத் துள்ளார். பால் லாவர்ட்டியின் கதை வசனத்தில் படத்தை இயக்கி யிருப்பவர் உலகப் புகழ்பெற்ற இயக்குநர்களில் ஒருவரான கென் லோச். வறுமை, வீடில்லாமை மற்றும் தொழிலாளர் பிரச்சனைகள்
குறித்த உள்ளடக்கங்களைக் கொண்ட திரைப்படங்கள் பலவற்றை எழுதி இயக்கியவர். அவருடைய “ஐ டேனியல் ப்ளேக்” (I Daniel Blake) திரைப்படம் சமீபத்தில் கான் பன்னாட்டு திரைப்பட விழா வில் விருது பெற்றது. சென்னை பன்னாட்டு திரைப்பட விழாவில் திரையிடப்பட்ட ஐ டேனியல் ப்ளேக் படத்தைப் பார்த்த ரசிகர்கள் எழுந்து நின்று கைதட்டினார்கள். “முதலாளித்துவ அவலங்களை ஒரு தடயவியல் நிபுணர் போல வெளிக்கொணர்ந்திருக்கிறார் இயக்குநர். கிக் பொருளாதாரத்தின் பின்விளைவுகள் குறித்து ஒரு உணர்ச்சிகரமான, உயிரோட்டமான கண்டனமே இத்திரைப் படம். ஒரு குடும்பத்தை இன்றைய பொருளாதார முறை எப்படி நசுக்குகிறது..” என்பதற்கான ஆதாரம் எனப் பலவிதமான கருத்துக்களை உலக சினிமா ரசிகர்கள் பகிர்ந்து இயக்குநர் கென் லோச் அவர்களைப் பெரிதும் பாராட்டியுள்ளனர். தமுஎகச புதுக்கோட்டையில் நடத்திய ஏழாவது உலகத் திரைப்பட விழாவில் இத்திரைப்படம் திரை யிடப்பட்டு பெரிதும் பாராட்டுப் பெற்றது என்பது இங்கு குறிப்பிடத்தக்கது. ரிக்கி டர்னரைப் போலத்தான் பல தொழிலாளிகள் ஓடி ஓடி உழைத்துக்கொண்டிருக்கிறார்கள். ஐஎல்ஓ அமைப் பின் ஆய்வு முடிவு ரிக்கி டர்னருக்குப் பொருந்துகிறது. சுதந்திரத் தொழிலாளியின் நிலை பற்றிய இத்திரைப்படம் முதலாளித்துவம் எடுத்திருக்கும் புதிய அவதாரம் குறித்த நம் பார்வையை விசாலப்படுத்துகிறது. தற்காலிக முதலா ளித்துவத்தை நிரந்தரமாக ஒழிக்க தொழிலாளர் படை திரள வேண்டுமென்ற ஆசை பிறக்கிறது.